United zyrtarizon Sanchezin

Pas shumë shumë spekulimeve, më në fund vjen lajmi nga faqja zyrtare e Manchester Unitedit.

Alexis Sanchez është zyrtarisht lojtar i ‘Djajve të Kuq’, me transferin që u kompletua përfundimisht ditën e sotme.

Kiliani ka nënshkruar kontratë 4.5 vjeçare me 20 herë kampionin anglez, ndërsa në prezantimin e tij te United ai u shpreh:

“Jam i lumtur që jam bashkuar me skuadrën më të madhe në Botë. Kam kaluar vite shumë të mira te Arsenali, të cilat do t’i kujtoj gjithmonë, ndërsa tash jam i lumtur që do të jem pjesë e një ekipi me stadium historik si dhe që do të punoj me një trajner si Jose Mourinho.

Gjithashtu jam i lumtur që jam kiliani i parë që luan për Manchester Unitedin dhe shpresoj që do t’i tregoj fansave nga e gjithë Bota arsyen pse United më dëshironte në radhët e veta.”

I lumtur për këtë transferim u shpreh edhe Jose Mourinho, i cili tha që Alexis do të sjellë kualitete të veçanta në skuadër. Ndër të tjera, Jose i uroi fat te Arsenali Mkhitaryanit, lojtar ky që u shkëmbye ‘kokë për kokë’ me kilianin Alexis Sanchez.

Alexis te United do ta bartë fanellën me numrin 7, numër ky që ishte i lirë që nga largimi i Memphis Depayt.