REAGIM PAS NDESHJES
Van Gaal premton kualifikim
18 February, 2016 @21:46
Vazhdon kokëdhimbja e Louis Van Gaal. Përkundër faktit që ai ende nuk e din se a do të jetë trajner i Manchester United edhe në ndeshjen e kthimit javën e ardhshme, me plot bindje holandezi e premton kualifikimin:
“Kemi mundësi të kualifikohemi në ndeshjen kthyese dhe duhet ta bëjmë këtë. Do ta bëjmë këtë.” - u shpreh Van Gaal.
United u mposht nga danezët e Midtjylland me rezultat 2-1 dhe kjo bëri që fansat e United të reagonin ashpër si në stadium ashtu edhe nëpër rrjetet social. Për rezultatin dëshprues ai deklaroi:
“Fansat u shprehën se ne luajtëm në mënyrë të tmerrshme në pjesën e dytë dhe ata kanë të drejtë.”
Përveç humbjes, vjen edhe një lajm i keq për skuadrën e United. Në stërvitjen e fundit para ndeshjes, De Gea pësoi një lëndim në gjurin e tij dhe skenimet mjekësore do të bëhen nesër. Bashkë me De Gean, numri i lëndimeve tek United bëhet 14.
