Vardari shokon Fenerbahçen, shkruan historinë

Skuadra kampione e Maqedonisë në futboll, Vardar, ka arritur të shkruajë historinë e ekipit duke shënuar për herë të parë kualifikimin në fazën grupore të Europa Ligës, duke e eliminuar Fenerbahçen me rezultat të përgjithshëm (4-1).

Ata mposhtën Fenerbahçen favorite si në Shkup (2-0) ashtu edhe dje në Stamboll (1-2) për të arritur sukses historik për skuadrën e tyre.

Derisa, milionat e shpenzuara vetëm këtë verë nga ekipi turk, shkuan kot.

Atyre nuk i ndihmuan as transferet e fundit si Mauricio Isla, Carlos Kameni, Mathieu Valbuena, Roberto Soldado e Nabil Dirar. Robin van Persie nuk është ai i vjetri dhe kështu Fenerbahçe eliminohet turpshëm në Play-Off nga një ekip që ka buxhet maksimal prej 1.5 milionë eurove!

Për Vardarin dje luajti gjysmë ore edhe Visar Musliu, ku pas hyrjes së tij në lojë, ekipi që një ditë para duelit të parë me Fenerbahçen ndërroi trajnerin, shënoi kualifikimin historik.