Vedat Muriqi, më i miri i vitit 2019!

Në mbrëmjen e ndarjes së çmimeve për më të mirët e vitit 2019, mbrëmje e organizuar nga FFK, është zgjedhur edhe lojtari më i mirë i Kosovës për vitin 2019.

E ky çmim i ka takuar Vedat Muriqit, qendërsulmuesit të Kosovës dhe Fenerbahçes, lojtar ky që po kalon formë të jashtëzakonshme si me klub e ashtu edhe me përfaqësuese.

“Dua t’i falënderoj bashkëlojtarët që i kisha te Rizespori si dhe ata që i kam tash te Fenerbahçe, pa i harruar edhe ata të përfaqësueses së Kosovës, natyrisht.” - u shpreh prizrenasi me rastin e këtij shpërblimi.

Në garë me Vedatin ishte edhe Milot Rashica, lojtar ky që gjithashtu kaloi një vit për ta mbajtur mend.