VËLLAZNIMI 4-0 BESA
Vëllaznimi bindës, fitorja e katërt rresht
25 September, 2021 @17:18
Lideri i Ligës së Parë A të Kosovës, Vëllaznimi ka kaluar pa shumë telashe kundërshtarin e sotëm, që është i fundit në renditjen tabelare, Besa e Pejës.
Gjakovarët kanë fituar ndeshjen me rezultat të thellë 4-0, pas një pjese të parë krejtësisht shterpe, ku nuk kishte gola.
Por në pjesën e dytë ekipi i drejtuar nga Gentrit Begolli ka shpërthyer dhe ka shënuar katër herë në portën kundërshtare për të fituar ndeshjen 4-0 [Antonio Marku 50, Rron Rogova 54, Albin Prapashtica 73p., Lekë Vula 84].
Kjo ka qenë fitorja e katërt me radhë e Vëllaznimit pas startit me barazim dhe ekipi kuqezi është lider i Ligës së Parë A edhe këtë xhiro, ndërsa Besa është e fundosur në renditje, pa fitore ende dhe me një pikë të vetme të fituar.
