Vera te Dortmundi

Edhe këtë vit, Dortmund ka përfunduar pazarin ende pa nisur mirë. Kanë blerë emra në çdo repart, që do të duhej të mjaftonin. Por, s’do të habitesha nëse s’do t’ia dilnin. Vitin e kaluar pak faj ka pasur edhe Thomas Teuchel. Sidomos në Bundesligë. Kanë bërë mirë që e kanë larguar, por nuk di sa kanë bërë mirë me kënd e kanë zëvendësuar. E shohim.

Porta

Roman Burki nuk guxon të lëndohet. Së paku jo gjatë sezonit të Ligës së Kampionëve. Weidenfeller në krejt karrierën e tij ka pasur ndoshta maksimum dy sezone pa gabime trashanike.

Mbrojtja

Bartra e Sokratis nuk janë qendërmbrojtës të kalibrit së Hummels. Të dy janë të dobët në luftë me ajër dhe krejt ekipi disi është i shkurtër për këtë pjesë të lojës. Sven Bender është transformuar në qendërmbrojtës së fundmi, por s’mjafton. Ginter është i mirë, e edhe Toprak mund të sjell një lloj sigurie bashkë me Benderin në këtë pjesë të lojës.
Guerreiro s’ka pasur pozitë që s’ka luajtur. Schmelzer ësthë i mirë në këtë pozitë. Në krahun tjetër Pisczczek, Durm e Passlack janë tejet të mirë. Krahët janë të mbuluar. Qendra ndoshta ka pak nevojë për ngritje. Nëse kërkojnë titull kuptohet.

Mesfusha

Rode, Weigl, Castro, Sahin, e kur i shtojmë këtyre edhe Dahoud, atëherë bëhet një mesfushë qendrore e përkryer. Jo shumë fizike, por goxha e mirë. Pjesa ofensive e mesfushës është e mbushur me lëndime. Gotze, Kagawa, e edhe Reus i cili transformohet në këtë pozitë sipas nevojës. Pulisic duket të jetë një talent i shkëlqyeshëm për të ardhmen. Vetëm sa do të mbetet këtej është çështje tjetër.

Sulmi

Schurrle nuk e ka dëshmuar veten. Dembele ka qenë fantastik, por i mungon aftësia për të shënuar. Mor ka pasur probleme me Teuchel. Reus me lëndimet. Për Bundesligë, pa lëndime do të mjaftonin këta që janë. Por, vitin e kaluar Teuchel ka pasur problem me rotacionin.
Sulmi vazhdon të mbetet barrë e Aubameyang. Dyshoj që do të blinin dikë në vend të tij. Lacazette shihet si opsion i parë. Por, edhe me Maximillian Philipp do të mund të mbetnin. Ngjashëm siç kanë bërë me Aubameyang me largimin e Lewandowskit,

Le të shohim se çka do të bëj Isak këtë vit.