Vështirë ndaj Milanit

Klubi nga kryeqyteti italian, Lazio, do të ketë punë të vështirë këtë fundjavë pasi që do të udhëtojë në Milano për t’u ndeshur me Milanin - që është në formën më të mirë të saj në këtë stinor. 

“Do të jetë tepër vështirë në San Siro. Ata janë shumë të mirë aktualisht. Ndeshjet ndaj rivalëve direkt janë shumë të rëndësishme dhe ne duam që të përfundojmë së paku në vendin e tretë këtë stinor,” ka thënë mbrojtësi rumun i Lazios, Stefan Radu, që shënoi në ndeshjen e xhiros së fundit ndaj Pescarës. 

Lazio, që është e treta në renditje të Serie A-së, ka dy pikë më shumë se Milani, që është i katërti dhe në rast të humbjes këto dy skuadra mund t’i ndërrojnë pozitat në tabelë.