OLD TRAFFORD
Vetëm 2 pikë pas komshinjve
20 April, 2016 @23:02
Një gjë e rrallë ndodhi në Old Trafford, ku United gjeti golin shumë herët, në në minutat e para të ndeshjes… megjithatë ai gol nuk u shënua nga ata. Krosimi nga krahu i majtë nga Darmian gjeti rrugën drejt rrjetës nëpërmjet mbrojtësit të Crystal Palace, Delaney. Sulmet e shumta të United nuk arritën ta ndryshonin rezultatin e pjesës së parë.
Goli i dytë erdhi në minutën e 55-të. Darmian shënoi golin e tij të parë me fanelën e United pas një topi jo të larguar siç duhej nga mbrojtja e Crystal Palace pas një goditjeje nga këndi. Italiani e ndali topin bukur me gjoks dhe gjujti nga vija e 16-metërshit, duke mos i dhënë asnjë shans portierit kundërshtar.
Të dyja skuadrat do të luajnë këtë fundjavë në Wembley për raundin gjysëmfinal të FA Cup, United të shtunën kundër Evertonit, ndërsa Crystal Palace të dielën kundër Watfordit.
Me këtë fitore United arrin kuotën e 59 pikëve, 1 më pak se Arsenali që luan nesër ndeshjen e prapambetur ndaj West Bromit, dhe 2 më pak se Manchester City që bëri hap fals dje kundër Newcastle.
All Goals - Manchester United 2-0 Crystal… by Football—Live
