E PARA PËR HIDDINK
Viti i Ri, Chelsea i ri
3 January, 2016 @16:11
3 gola për 3 pikë. Kështu e nis vitin skuadra e Chelseat. Fitorja e parë e holandezit Hiddink vjen ndaj Crystal Palacet, në një terren të vështirë ku jo shumë skuadra dalin me pikë të plota.
Fillimi i ndeshjes ishte shqetësues pas largimit nga loja të Hazard, i cili u detyrua të largohej nga loja për shkak të lëndimit, mirëpo gjithçka u mbulua nga Oscar, Willian e Costa, të cilët i dhanë fitorën mysafirëve.
Seria e golave u hap nga Oscar pas asistimit të Diego Costës, i cili pranoi një pasim fantastik nga Cesc Fabregas.
Pjesa e parë u mbyll me rezultat 0-1, kurse në pjesën e dytë Chelsea shënoi edhe dy herë të tjera. Fillimisht përmes një perle të Willian e më pas përmes Diego Costës.
Kjo fitore e ngrit Chelsean në kuotën e 23 pikëve, ende tejet larg pozitave evropiane.
