Vjen këndellja për dy ditë

Pas humbjes nga Khimki, Fenerbahçe kësaj radhe nuk gaboi kundër Zalgirisit dhe e mposhti kundërshtarin me rezultat 78-61.

Që të dyja skuadrat filluan ndeshjen me mbrojtje agresive ku në tre minutat e para nuk shënuan pikë. Më pas erdhi një seri prej 5 pikëve nga skuadra lituaneze, por përgjigjja nuk u vonua nga Feneri, dhe në fund të çerekut të parë rezultati shënoi 19-11 në favor të tyre.

Në pjesën e dytë të ndeshjes, nënkampioni i Euroleagues Feneri, e ngriti epërsinë në pikë dyshifrore dhe nuk gaboi si në ndeshjen para dy dite dhe kësaj radhe shënoi fitore.

Vetëm tre lojtarë shënuan pikë dyshifrore te Fenerbahçe, Melih Mahmutoglu dhe Kostas Sloukas me nga 14 pikë dhe Jan Vesely me 13 pikë, ndërsa te Zalgirisi u dallua qendra Brandon Davies me 12 pikë, duke qënë i vetmi me pikë dyshifrore.

TABELA AKTUALE

Kjo ishte fitorja e 16 e Fenerbahçe krahas 2 humbjeve që i ka dhe gjendet në krye të tabelës, derisa Zalgirisi ka bilanc prej 7 fitoreve e 11 humbjeve deri më tani.