Vlerësimet e kuqezinjëve pas ndeshjes

Etrit BERISHA, 5

Mbrojti dhe doli mirë në shumë krosime, por dy shutat e Francës drejt kornizës së golit, përfunduan në rrjetë.

Elseid HYSAJ, 6

Njëri nga më të mirët në fushë, që qetësoi Anthony Martialin dhe e bëri të zëvendësohet. Daljet e mira dhe një krosim që për pak i iku Armando Sadikut, e bëjnë këtë lojtar tejet të madh.

Arlind AJETI, 7

Një pastrim jetik të topit si dhe disa bllokime. Shumë solid në ndeshje.

Mërgim MAVRAJ, 6.5

Gati si Arlind Ajeti. Thjesht i pagabueshëm dhe tepër mirë i pozicionim.

Ansi AGOLLI, 5.5

Pak vështirësi ndaj Kingsley Komanit, por i shkëlqyeshëm në dalje si krah.

Burim KUKELI, 7

Shtylla e lojës së Gianni De Biasit, duke qëndruar para mbrojtjes krijoi dy raste për ekipin. Morri kartonin e verdhë më të mençur që ekziston në futboll. I fortë dhe i dukshëm me lojë.

Amir ABRASHI, 5.5

I fitoi 80% të dueleve dhe njëri ndër futbollistët më luftarak në fushë te kuqezinjtë. Mirëpo, kontributi i tij për ecje përpara lë për të dëshiruar sonte.

Andi LILA, 6

Përkundër se u zëvendësua, ka qenë njëri ndër lojtarët e trajnerit De Biasi, që kreu detyrën si deshti trajneri, vrapo e vrapo.

Ledian MEMUSHAJ, 7

Luftarak dhe i mençur. Pati rast të mirë nga gjuajtja e lirë. Ka bërë një vrapim që kërkon mushkëri të mëdha në zonën e Francës që për pak solli golin. Gjithashtu, me disa veprime mashtruese liroi skuadrën nga presioni.

Ermir LENJANI, 5

Ka qenë njeriu që kishte mundësinë më të mirë për të rrezikuar Hugo Llorisin. Disa herë nuk arriti të gjuaj topin si duhet kur pritej të rrezikohej porta franceze.

Armando SADIKU, 5

Duke qenë se ka luajtur si qendërsulmues i vetëm është dashur të jetë më i mirë, pasi që ndaj Zvicrës ka pasur vetëm 40% të dueleve të fituara. Ka qenë mesfusha shqiptare që shkaktoi më shumë probleme në sulm, sesa njeriu që duhej.