RAHOVECI - PRISHTINA
Vreshtarët bindshëm ndaj Prishtinës, vjen fitorja pas 3 humbjeve rresht
1 December, 2021 @21:23
Skuadra e Rahoveci, me një performancë të mirë e mposhti Prishtinën në Mizahir Isma me rezultat 93-76.
10 minutëshi i parë ishte i ngushtë 26-24, derisa në çdo çerek, Rahoveci arriti ta thellojë epërsinë dhe kështu e regjistroi një fitore të rëndësishme në vazhdim të Superligës.
Milik Yarbrough me 20 pikë e 8 kërcime, derisa u ndihmua edhe nga Fisnik Rugova me 18 pikë e 6 kërcime, Musab Mala me 17 pikë dhe Cavon Baker me 14 pikë të tjera.
Te Prishtina koshashënuesi më i mirë ishte Jan Palokaj me 18 pikë dhe Wendell Mitchell me 10 pikë, 9 kërcime e 7 asistime.
Kjo ishte fitorja e parë e Rahovecit përveç dy fitoreve kundër Dritës. Vreshtarët tani kanë bilanc prej 3 fitoreve e 9 humbjeve, kurse Prishtina me 6 fitore e 6 humbje.
