Vuajtja angleze karshi Realit dhe Barcelonës

Nëse duhet të bëhet një krahasim i thjeshtë të gjendjes së ligës elite angleze dhe asaj Spanjolle, Premier Legue vs La Liga, vetëm duhet shikuar importet e kësaj vere. 

Barcelona dhe Real Madrid kanë nënshkruar me yjet e Kupës së Botës, derisa ekipet angleze jo. 

Për shembull, James Rodriguez, Toni Kroos dhe Luis Suarez - kanë zgjedhur të luajnë në La Liga në krahasim me Alexis Sanchez, Cesc Fabregas, Diego Costa, Ander Herrera dhe Fernando - që kanë kaluar në Premier League. 

Shikuar individualisht - a do të shikonit lojën e Rodriguezit me Realin apo të Costas me Chelsean?! Apo ndoshta Kroosin e Suarezin me Herreran e Fabregasin?! 

Kroos për shembull, gjatë gjithë kohës përfolej si lojtar i ri i Manchester United, por në momentin që u bë e qartë se Real Madridi po e kërkon me të vërtetë gjermanin - ai asnjëherë nuk kishte dyshim me përzgjedhje. 

A do të luante bashkë me Cristiano Ronaldo, Karim Benzema, Xabi Alonso, Luka Modric e Iker Casillas, në një ekip apo me Chris Smalling, Tom Cleverley, Nani e Danny Welbeck?! 

Është e qartë se Anglia nuk mund t’i merr lojtarët më të mirë dhe më atraktiv më - nëse i ka marrë ndonjëherë. Këtë nuk e arrin as Bundesliga, por nëse asgjë tjetër, Bundesliga zhvillon talent dhe Gjermania e merr titullin e Botës një ditë. 

Pa marrë parasysh se sa interesante mund të jenë me para Chelsea, Manchester City, bile edhe Paris St Germain e Monaco në Francë... Real Madridi dhe Barcelona përveç parave sjellin edhe diçka tjetër në La Liga që e bën atë më të shikueshmen. 

E tash mendoni derbin e madh këtë stinor të El Classicos: Karim Benzema, Cristiano Ronaldo, Gareth Bale, James Rodriguez, etj. - përballë Lionel Messi, Neymar, Luis Suarez, Andres Iniesta, etj. 

E këta lojtarë krahasoni me yjet e Premier League dhe tregoni se cilin lojtar do ta shikonit më me qejf - pa marrë parasysh cilin ekip e adhuroni. Për më tepër, as Real Madridi e as Barcelona nuk janë kampion të Spanjës, por është një ekip tjetër që me politikë tjetër po shënon fitore - Atletico Madrid. 

Po, janë dy ekipe në Spanjë vetëm apo - e Europa League - i takoi Sevillas.