Xavi, arsyeja e shkëlqimit të Messit

Një moment, që riktheu gjithçka te Barcelona këtë stinor. Muaji janar, ndërsa Barcelona ishte mposhtur nga Real Sociedad. 

Derisa Barcelona dukej larg Real Madridit, në anën tjetër kishin plasur mediat me fjalosjen Luis Enrique - Lionel Messi. 

Kapiteni legjendar i ekipit të Barcelonës, Xavi, sipas prestigjiozes El Pais, thuhet të jetë njeriu që ka ritkthyer gjithçka në vend të vetë. 

Xavi e njeh Messin që nga mosha 12 vjeçare, kur argjentinasi kishte arritur në Barcelonë. 

“Nuk guxojmë t’i lejojmë vetes që të përsërisim atë që na ndodhi stinorin e kaluar. A dëshiron që Cristiano të fitojë Topin e Artë përsëri? Mjaft më luajte k…, Leo!,” është cituar t’i ketë thënë Xavi Messit në zhveshtore. 

Nga ajo ditë, Barcelona ka shënuar 27 fitore, me një barazim dhe një disfatë, derisa ka shënuar 94 gola. 

Edhe Messi gjatë muajit shkurt kishte pranuar se “pas humbjes nga Sociedadi, gjithçka kishte ndërruar për të mirë te Barcelona,” ka njoftuar El Pais sot. 

Barcelona sot është fituese e titullit kampion të Spanjës dhe ka siguruar finalet e Ligës së Kampionëve dhe Kupës së Mbretit në Spanjë.