Xhimshiti, shënjestra e radhës e kuqezinjëve

Fenomeni i paraqitjes së futbollistëve shqiptarë në përfaqësuesen e Zvicrës ka filluar të merr kahje të kundërt. Borozani.com

Lojtarëve shqiptarë si Xherdan Shaqiri, Valon Behrami, Granit Xhaka, Blerim Xhemaili, Admir Mehmedi e Pajtim Kasami, të cilët mbrojnë ngjyrat e përfaqësueses helvete, kombëtarja kuqezi është munduar t’i kundërpërgjigjet duke i afruar në skuadër lojtarët si Amir Abrashi, Shkelzen Gashi, Taulant Xhaka, Burim Kukeli e Ermir Lenjani, të cilët përveç pasaportës shqiptare, kanë edhe ate të Zvicrës dhe kanë pasur të drejtë të luajnë për këtë shtet derisa nuk kanë realizuar debutimin e tyre me Shqipërinë.

Listës së tyre mund t’i shtohen edhe emra të tjerë, ndërsa më i përfoluri në kohët e fundit është qendërmbrojtësi i Zurichut, Berat Xhimshiti.

Sipas Blick-it zviceran, Xhimshiti mund të jetë futbollisti i gjashtë me pasaportë zvicerane që do të luajë për Shqipërinë.

Xhimshiti është 21 vjeçar dhe luan titullar me skuadrën e tij në Superligën e Zvirës. Talenti i tij është vërejtur qysh më parë nga përzgjedhësit e ekipeve të grupmoshave të përfaqësueses helvete, pasi që qendërmbrojtësi që nga gjenerata U18 e Zvicrës ka qenë i grumbulluar rregullisht në përfaqësuese.