POGBA
Ylli i madh, me rrogë të vogël!
10 September, 2014 @9:04
Paul Pogba fiton më pak se rroga mesatare e një futbollisti në Premier League.
Ylli 21 vjeçar i Juventusit, pas dy stinorëve të shkëlqyera të kaluara në Torino, është bërë njëri prej lojtarëve kryesorë të skuadrës, mirëpo kjo nuk duket të jetë e mjaftueshme që françezi të ketë pagë më të lartë.
Pogba paguhet 1.5 milionë euro në vit, që do të thotë se ai fiton më pak se 14 bashkëlojtarë të tij në Juve, derisa një rrogë mesatare në Premier League gjatë stinorit 2012/13 është sillur diku rreth 2 milionë euro.
Në anën tjetër, nëse e krahasojmë rrogën e Pogbas me Falcaon në Manchester United, i cili është huazuar për një vjet nga Monaco dhe fiton hiq më pak se 22.5 milionë euro në vit, mund ta vërejmë një dallim të madh në mes të dy lojtarëve.
Pogba ka kontratë edhe dy stinorë me skuadrën e Juventusit.
