BERAT XHIMSHITI
Xhimshiti transferohet në Serie B
31 August, 2016 @12:12
Mbrojtësi i kombëtares shqiptare, Berat Xhimshiti, në stinorin e ri do të luajë te skuadra nga Serie B, Avellino.
Futbollisti i cili ka kontratë deri në vitin 2019 me Atalantan, është huazuar te Avellino përgjatë këtij stinori për të pasur sa më shumë minutazh, pasi te skuadra nga Bergamo kishte hapësirë shumë të vogël për të luajtur.
Lajmin e ka bërë zyrtare skuadra e re e futbollistit.
Xhimshiti aktualisht është në grumbullim me kombëtaren shqiptare, e cila sonte do të zhvillojë miqësoren kundër përfaqësueses së Marokut.
