Zbardhet taktika dhe 11-shja e De Biasit

Pak më shumë se 24 orë kanë mbetur për miqësoren e Shqipërisë ndaj Austrisë në Ernst Happel të Vienës.

Ndërsa mediat shqiptare kanë zbuluar idetë e Gianni de Biasit për këtë ndeshje si dhe sipas stërvitjeve të ndjekura kanë krijuar 11-shen që pritet të këndojë himnin në fillim të ndeshjes.

Etrit Berisha i padiskutueshëm në portë, ndërsa kapiteni Lorik Cana dhe Mërgim Mavraj do të mbulojnë qendrën e mbrojtjes, derisa napolitani Elseid Hysaj dhe Ansi Agolli do të përbëjnë krahët kuqezi.

Në mesfushë De Biasi besohet se do të nis me treshen Taulant Xhaka, Amir Abrashi dhe Ergys Kaçe, për të vazhduar me krahët Odise Roshi e Ermir Lenjani.

I vetmuar në sulm, si zakonisht në kombëtare, do të jetë Bekim Balaj.

Me formacionin 4-5-1 dhe me disa taktizime nga ndërprerjet të ushtruara nga ndihmësi i De Biasit, Paolo Tramezzani, ka përfunduar stërvitja e fundit e kuqezinjëve para duelit të vështirë ndaj Austrisë.