FSHF
Zyrtarizohet kandidatura e Dukës
10 February, 2014 @9:34
Kryetari i tashëm i Federatës Shqiptare të Futbollit, Armand Duka, është kandidat zyrtar i radhës për shefin e futbollit shqiptar edhe për katër vitet e ardhshme.
Duka, ka marrë pëlqimin e disa klubeve si nga Kategoria Superiore ashtu edhe ato tjerat, për të kandiduar zyrtarisht, gjë të cilën e ka konfirmuar sot, Panorama Sport.
Kundërkandidat i tij pritet të bëhet Kujtim Gjuzi, por kjo gjë ende nuk është zyrtarizuar.
Për kreun e FSHF-së në lojë janë 41 vota, ndërsa zgjedhet mbahen në ditën e fundit të këtij muaji, më 28.
Pesë kundërkanditatët e mëparshëm të Dukës në zgjedhje janë mposhtur thellë nga kryetari aktual në zgjedhjet e mbajtura në vitet e kaluara.
