200% për fitore!

I lindur në perëndim të Kosovës, Istog, 25 vite më parë, ai as që kishte paramenduar se një ditë do ta veshte fanellën kuq e zi. 

Thirrja që e kishte marrë e la të befasur - ndërsa sot e kujton ndryshe. 

“Kam pasur tepër emocione. Nuk kam besuar, s’di si ta përshkruajë, është një rast i madh për mua,” ka thënë Azdreni në fillim. 

Pesë golat e tij me ekipin rumun, Gaz Metan, ku kaloi nga Sandona e Serie D-së italiane, e bën atë interesant për drejtuesit e përfaqësueses. 

Tashmë, i akomoduar në Durrës me shokët e rinj të kombëtares ata presin të emocionuar ndeshjen e së premtes ndaj Norvegjisë. Fitore? 

“Presim vetëm fitore. Krejt shqiptarët e presin këtë. Ata besojnë te ne. Premtoj se do të luaj 200% për krejt shqiptarët - për të arritur këtë fitore,” ka thënë i emocionuar dhe i urritur në dukje për gola, Llullaku. 

Shokët e rinj, shqiptarë nga të gjitha anët… Si u ambientuat në një rreth të ri për ju?! 

“Këtu është shumë mirë. Unë u ambientova menjëherë. Atmosfera është shumë e mirë, djemtë të gjithë janë disponim. Kësaj radhe kishte shumë të rinj dhe po kalojmë shumë mirë,” përshkruan atmosferën istogasi, duke përshkruar edhe kohën e mirë në Durrës. 

E tekniku italian, Gianni De Biasi, çka tha - e si ju priti?! 

“Ishte i mirë dhe më priti mirë,” ka folë shkurt për trajnerin Llullaku. 

A do ta shohim Llullakun dhe aftësitë e tij që prej grumbullimit të parë, në formacion startues ndaj Norvegjisë apo…

“Natyrisht që pres të luaj. Tash a do të jem titullar apo jo nuk e di, por për të luajtur dua të luaj gjithsesi, kaq mund të them,” ka përfunduar bisedën e tij me Borozani.com Azdreni. 

Shqipëria ndeshet të premten mbrëma me Norvegjinë në kuadër të kualifikimeve për Kampionatin Botëror Brazili 2014. 

Deri më tani, Llullaku ka qenë i përfshirë në çdo formacion të Gianni De Biasit për lojë - kështu që mundësitë e tij për të debutuar me fanellë kuqezi janë të mëdha - pasnesër. 

LETËRNJOFTIMI SPORTIV: