3 gola për 11 minuta, shpresat kuqezi pësojnë rëndë nga bullgarët

Pas fitores së shënuar ndaj Andorrës në kualifikuese, shpresat kuqezi janë mposhtur rëndë nga Bullgaria U21 sot në miqësore të zhvilluar në Sofje.

Bullgaria U21 fitoi 4-0 ndaj Shqipërisë U21, pas një starti shumë të keq të lojës, ku brenda 11 minutave të para pësuan 3 herë, prej së cilës më vonë kthimi ishte i pamundur për djemtë e përzgjedhur të Alban Bushit.

Ka qenë Shopov (2) dhe Petrov (5) që dhanë golat e shpejtë për vendasit, ndërsa Gruev (11) thuajse vulosi gjithçka që në fillim të duelit.

Në pjesë të dytë nga penalltia Nikolov (68) vulosi përfundimtaren e ndeshjes.

Për tu theksuar, Bushi i dha mundësi shumë lojtarëve të pa inkuadruar më parë në lojë, derisa nisi duelin me Vokli Laroshi; Sergio Kalaj, Redon Dragoshi, Nikolas Smajlaj, Tedi Cara; Anis Mehmeti, Mario Gjata, Mark Bushaj, Marsel Ismajgeci; Kosta Vangjeli dhe Albion Marku.