ISTOGU - VËLLAZNIMI
Foto: KF Vëllaznimi
5 barazime rresht, Vëllaznimi harron ç’është fitorja
30 October, 2021 @15:14
Përsëri barazim për skuadrën e Vëllaznimit në Grupin A të Ligës së Parë!
Pas fillimit mjaft të mirë të sezonit, gjakovarët sot e kanë regjistruar barazimin e pestë rresht në Ligën e Parë, për ta bërë kështu edhe një hap prapa në luftën për rikthim në Superligë.
Sot gjakovarët barazuan 0-0 në ndeshjen e luajtur në udhëtim te Istogu.
Përkundër përpjekjeve për shënim, pjesa e parë mes skuadrave u mbyll pa gola, e njëjtë kaloi edhe e dyta, duke bërë kështu që ndeshja në fund të përfundonte 0-0.
Ky barazim bën që Vëllaznimi të ketë 21 pikë pas 11 xhirove në Grupin A të Ligës së Parë, kurse Istogu momentalisht ka 9 pikë.
Xhiron që vjen, Istogu është mysafir i Besës, kurse Vëllaznimi e pret Trepçën.
