VIDEO
5 gola në dy ndeshjet e para nga Veton Berisha
9 July, 2015 @15:12
Veton Berisha ka bërë një fillim të shkëlqyer me skuadrën e tij të re, Greuther Furth.
Sulmuesi 21 vjeçar, i cili është transferuar në fillim të këtij muaji nga skuadra norvegjeze, Viking, tek ajo gjermane, Greuther Furth, ka shkëlqyer në dy paraqitjet e tij nëpër miqësore duke shënuar 5 gola, dhe njëkohësisht duke realizuar edhe hat-trickun e parë.
Berisha së pari i kishte bindur zyrtarët e klubit të Greuther Furthit për transferimin e tij të qëlluar, duke shënuar dy gola në debutim përballë skuadrës Lichtenfels, derisa dje arriti hat-trickun e parë në përballjen miqësore me skuadrën Austria Salzburg.
Vetoni, që ka nënshtetësi norvegjeze, është bërë futbollisti i tretë me prejardhje shqiptare te skuadra e Greuther Furthit pas Jurgen Gjasulës dhe Ilir Azemit. Ky i fundit në fakt ende nuk e ka të sigurtë nëse do të qëndrojë edhe në stinorin e ri te skuadra gjermane, pasi që i ka skaduar kontrata.
Video
Dy gola në debutim të Veton Berishës
Lichtenfels - Greuther Furth 0-11 (Gjasula 5', Kumbela 10', Trinks 15' 40', Freis 36', Weilandt 45', Maderer 53' 69', Berisha 57' 81', Zulj 78')
Hat-trick i Veton Berishës
Austria Salzburg - Greuther Furth 0-6 (Stiepermann 7', Trinks 13' 89', Berisha 30' 35' 75')
