5 për fundjavë!

Analizë speciale e ndeshjeve kryesore të fundjavës nga ligat kryesore europiane. 

1. Monaco – Olympique Lyon

Asnjëra nga këto dy ekipe nuk ka sezon të mirë, dhe të dyja kanë shumë mungesa.

Monaco ka probleme në mbrojtje, sidomos me mungesën e Raggit, Carvalhos, dhe Coentraos. Mbrojtja edhe pa ta nuk ka qenë stabile. Kështu që Monaco duhet të përqendrohet në mesfushë për të ndërprerë sulmet e Lyonit.

E Lyoni duhet të gjej Lacazette e vjetër. Ai është duke kaluar një sezon të keq, dhe sa më herët që e gjen vetëm, aq më mirë për ekipin e Fournier.

Pres ndeshje të mirë, ndërmjet dy ekipeve të forta. Një alternativë e mirë për të nisur javën.

2. Tottenham – Liverpool

Kush nuk është duke pritur me padurim debutimin e Kloppit. ‘Normali’ do të sjell ngazëllim në ligën më të mirë në botë. A mund t’ia dal në Liverpool? Së paku do të bëj më mirë se paraardhësit e tij, përfshirë Rafan, sidomos kur jemi tek suksesi kombëtar.

Firmino, Benteke, dhe Henderson janë të lënduar. Kjo do të jetë detyra e parë për Klopp – të improvizoj me ekip të përzier. Mund ti marr kohë derisa ti nis gjërat, por edhe debutimi do të jetë interesant për ta shikuar.

E ekipi i Pocchettinos është mirë i ndërtuar, ama nuk po mund të gjej vazhdueshmërinë. Europa League po i lëndon. Dhe gjëja tjetër që po kontribuon në lëndimin e tij është Harry Kane. Është koha që t’ia nis të shënoj, ose së paku të tregohet i rrezikshëm për kundërshtarët.

3. Inter – Juventus

Kjo i duhet Interit më shumë se Juventusit. Ata duhet të dëshmojnë se janë një ekip që mund të konkurroj për Top 3. Nuk e kanë bërë këtë me ekipet më të forta, dhe kur kanë fituar ka qenë me zor, me plot fat dhe mbrojtësa. 

Mezi pres të shoh se ku do të vendoset Medel. Dhe të shoh se a do të jenë më shumë se shtatë lojtarë defanzivë në ekipin e Mancininit. Allegri di të mbrohet gjithashtu. Tekefundit është futboll italian, por, rivaliteti ndërmjet këtyre dy ekipeve është më joshës se rezultati.

Pres lojë të hapur, të bukur, të rrjedhshme nga të dyja ekipet. Pres më shumë se Juventusi se sa Interi. Sinqerisht, Allegri është trajner më i mirë se Mancini.

4. Napoli – Fiorentina

Këto janë dy ekipe krejt të ndryshme nga ato që përmendëm më lart.

Luajnë futboll sulmues. Janë në formë të mirë, dhe në dhjetë lojërat e fundit të tyre në total, me kundërshtarët tjerë kanë humbur vetëm dy pikë, dhe kanë pësuar vetëm dy gola.

Napoli ka qenë më e mirë duke mposhtur Lazion, Juventusin, dhe Milanin. Ky është ekip që ia vlen të fitoj ligën. Në anën tjetër, Viola ka shkatërruar Interin, dhe pak më herët edhe Milanin.

Kjo mund të jetë edhe prelude për finale e këtij edicioni të Europa League.

5. Villarreal – Celta

Ndeshjet e drekës në La Liga janë disi speciale. Shumica e tyre përfundojnë me rezultat befasues.

Dhe Celta ka befasuar Sevillan disa të diela më herët. Por, që kur mposhtën Barcën, tri ditë më vonë, ata kanë ngecur. E kuptoj që të nxjerrësh të tri pikët nga stadiumi i Eibarit është punë e zorshme, por Getafe është dashur të mposhtet.

Villarreal është në pozitë më të mirë. Por, mezi po ikin me rezultat minimal, 1-0. Ata dështuan të bëjnë këtë kundër Levantes. Kanë shumë lojtarë të lënduar, por kjo s’duhet të jetë arsye të mos shënojnë më shumë.

Katër ndeshjet e fundit të këtyre ekipeve në total, kundër ekipeve tjera kanë prodhuar vetëm katër gola. Prisni një ndeshje dreke të diele të mërzitshme. Por, Napoli dhe Fiorentina duhet të kompensojnë këtë menjëherë gjatë pasdites.