MANCHESTER UNITED - CRYSTAL PALACE
6x4, United nuk ndalet
30 September, 2017 @17:56
Për herë të gjashtë këtë sezon, Manchester United ka arritur ta mbyll takimin me 4 gola të shënuara.
Viktimë e radhës për ‘Djajtë e Kuq’ ishte Crystal Palace, e cila sot u mposht 4-0, për ta vazhduar rekordin negativ me 7 ndeshje radhazi pa pikë e pa asnjë gol të shënuar, një statistikë negative që i ndodh një klubi për herë të parë në histori të Premier Leagues.
Juan Mata, Marouane Fellaini (2) dhe Romelu Lukaku ishin golashënues të Manchester United sot, ndërsa për këtë të fundit ky ishte goli i 11 në 10 paraqitje me 20 herë kampionin anglez.
Kjo fitore e ngrit në krye të tabelës Manchester Unitedin, me Cityn që ndeshjen e vet e luan sot me fillim nga ora 18:30 ndaj Chelseat në Londër.
