KLOPP NË KËRKIM
8 gola për 12 minuta
9 November, 2015 @12:39
Jurgen Klopp është gati të kuptojë problemin e Anfield Roadit dhe Liverpoolit për rezultate jo të mira.
Edhepse afër një muaj trajner aty, gjermani Klopp ka thënë se është ndier i vetmuar kur ekipi i tij pësoi golin e dytë nga Crystal Palace.
“Minuta e 82-të, ndeshja përfundoi. U ktheva pas dhe pashë tifozët që po e linin stadiumin. Duhet të vendosim kur gjithçka ka përfunduar,” ka thënë Klopp pas ndeshjes.
“Tifozët po na lënë, ata kanë arsye. Por ne jemi përgjegjës për atë që askush të mos largohet nga stadiumi pa përfunduar ndeshja. Prej minutës së 82-të deri në minutën e 94-të mund të shënosh tetë gola nëse don, por duhet të punosh përë këtë. Këtë duhet të tregojmë ne, dhe dje nuk e treguam,” ka përfunduar ai deklaratën e tij.
TABELA AKTUALE E PREMIER LEAGUE
Klopp përjetoi humbjen e parë në Premier League nga Crystal Palace. Ndërsa më së paku pritej kjo gjë dje, pasi që Liverpool kaloi edhe disa teste më të vështira.
Sidoqoftë, strategu gjerman është duke analizuar gjithçka përreth tij dhe me besimin që ka nga kryesia shpreson që në janar të rregullojë edhe më ekipin.
