80% dihet

Albert Bunjaki ka treguar se 80%-shi i skuadrës për përballjen e sotme dihet, por nuk ka dhënë emra.

Kosova ndeshet me Ishujt Faroe sot në ora 20 në Frankfurt, ndërsa në konferencën për shtyp para ndeshjes Bunjaki ka bërë të ditur disa të dhëna për përfaqësuesen.

“Jemi në situatë shumë të mirë dhe atmosferë të mirë. I kam parë 5 ndeshje të rivalit dhe mund të them se po tregojnë lojë tejet të mirë. Kundërshtari është ekip interesant. Ndërsa ne ndeshjen duhet ta shfrytëzojmë takitikisht, pasi është ndeshja e fundit para kualifikimeve për “Rusia 2018”. 80% e skuadrës dihet për ndeshje, e dy lojtarë që nuk kanë luajtur shumë në të kaluarën do të kenë hapësirë më të madhe,” ka thënë Bunjaki.

Miqësorja ndaj Ishujve Faroe do të jetë e para për Kosovën pas pranimit të plotë në UEFA e FIFA.