99% kualifikohemi

Përzgjedhësi i kombëtares shqiptare, Gianni De Biasi, ka thënë në konferencë për shtyp sot se në rast të fitores nesër ndaj Rumanisë, Shqipëria do të jetë 99% e kualifikuar në të tetën e finales së europianit.

”Çka duhet të bëj Shqipëria? Duhet të shënojë dhe të mos pësojë si deri tani në ndeshjet e kaluara të Grupit A. Përpara kemi një kundërshtar që luan mirë dhe ka një pikë të fituar. Me fitore nesër, do të jemi 99% të kualifikuar tutje. Por ne do të luftojmë deri në fund duke respektuar kundërshtarin dhe duke dhënë maksimumin në fushë të lojës,” ka thënë De Biasi sot në konferencën për shtyp në stadiumin e ri të Lyonit para duelit të nesërm ndaj Rumanisë.

Shqipëria dhe Rumania takohen nesër mbrëma në ora 21.