Abrashi në Bundesligë

Stinorin e ardhshëm në Bundesligë do të luajë edhe mesfushori kuqezi, Amir Abrashi.

Skuadra e tij, Freiburg, tashmë edhe matematikisht e ka siguruar garimin në elitën gjermane për stinorin e ardhshëm.

Dy javë pa përfunduar ky edicion në Bundesliga 2, Freiburgu kryeson në radhitjen tabelare me pesë pikë më shumë se ndjekësi më i afërt, Leipzig, ndërsa i nevojitet vetëm edhe një pikë për t’u shpallur kampion i Bundesligës 2.

Freiburgu sot e mposhti Paderbornin me rezultat 2-1, ndërsa Abrashi ishte në fushë gjatë gjithë ndeshjes.