PËRFOLJET PËR IKJEN E CRISTIANO RONALDOS
Aguero zëvendëson Cristianon?!
18 November, 2015 @22:56
Nëse Cristiano Ronaldo me të vërtetë dëshiron të largohet nga Real Madridi, vendi i tij do të plotësohet nga Sergio Aguero kanë shkruar mediat spanjolle sot.
Sipas një lajmi të botuar në Le 10 Sport, që e përcjell edhe Marca, kreu i Realit Florentino Perez me gjithë qejf do të dëshironte të realizonte ëndrrën e tij të kahmotshme që të sheh Agueron në fanellë të Los Blancosve.
Cristiano Ronaldo është spekuluar se mund të kalojë te Manchester City ose Paris St Germain, edhepse asnjëherë nuk janë konfirmuar këto thashetheme.
Por tani, Real Madrid ka opcionin e zëvendësimit të tij, pasi që Perez e ka dashur Agueron qysh se ky ka qenë pjesë e Atletico Madridit dhe largimi i portugezit nga ekipi mund të hap dyert për sjelljen e argjentinasit.
Sidoqoftë, e tëra do të varet nga Cristiano Ronaldo dhe vendimi i tij përfundimtar.
