BARDHEKALTËR
Albion Avdijaj te Tirana
Teksti: Koha
24 July, 2020 @13:52
Kampionia e posashpallur e Shqipërisë në futboll, Tirana, ka zyrtarizuar të enjten transferimin e parë për edicionin e ri të garave.
Për Tiranën do të luajë sulmuesi kosovar, Albion Avdijaj. Futbollisti 26-vjeçar ka firmosur për dy vjet.
“Avdijaj, me një karrierë të pasur jashtë vendit, vjen si një vlerë e shtuar në familjen bardh e blu”, thuhet në njoftim.
Avdijaj ka luajtur për të rinjtë e Zvicrës. Më pas i luajti dy ndeshje për Kosovën e në fund ishte te U-21 e Shqipërisë.
Ai është i lindur në Zvicër, ku edhe është zhvilluar si futbollist. Ka luajtur për Grasshopperin, Vaduzin, Wolfsburgun II, Debrecenin dhe Viborgun.
