Alex Fergusoni i Shqipërisë!

Në një intervistë me tiranasen Panorama Sport, trajneri italian i kombëtares shqiptare, Gianni De Biasi, ka pranuar se me gjithë dëshirë do të donte të bëhej Alex Ferguson i Shqipërisë. 

Duke u intervistuar, De Biasi, u pyet edhe për largimin e Alex Fergusonit nga Manchester United pas 27 viteve. Ku pasoi pyetja: A do të dëshironit të bëheshit një ditë edhe ju Fergusoni i një skuadre (në kuptimin e kohëzgjatjes)? E italiani u përgjigj kështu: 

“Pse, jo! Mua më pëlqen të punojë në projekte afatgjata. Këtë e kam bërë te Modena dhe me shumë kënaqësi do ta bëja edhe te Shqipëria. Unë me stafin tim kemi investuar gjithë potencialin për të ndërtuar një skuadër solide jo vetëm për momentin, por edhe për të ardhmen,” ka thënë ndër të tjera De Biasi.