Alisson rikthehet kundër Chelsea

Portjeri Alisson Becker pritet të rikthehet në formacion për ndeshjen kundër Chelsea e cila zhvillohet sot (21:15).

Braziliani ishte jashtë për ndeshjen e fundit të Liverpool me Sheffield United pas vdekjes tragjike të babit të tij.

Mediat angleze njoftuan se babai i Alisson ishte mbytur duke notuar në një nga liqenet në Brazil.

Kjo ishte arsyeja që ai ishte jashtë për ndeshjen e së dielës.

Kundër ekipit të Tuchel ai pritet të jetë pjesë e formacionit, gjithashtu për ekipin e Klopp rikthehen edhe Fabinho dhe Diogo Jota që kanë qenë të lënduar.