A&N 0-0 BESA
A&N s’arrin ta kalojë pengesën pejane Besën
13 March, 2022 @19:23
Me barazimin e sotëm ndaj Besës, A&N ka vetëm një fitore në katër ndeshjet e pjesës pranverore të stinorit.
Ekipi prizrenas që po kërkon të bëj hapin e madh drejt PlayOffit të Superligës, ka bërë një “gabim në hapa” sot ndaj Besës së Pejës, që po lufton shumë për të mbijetuar në Ligë të Parë A të Kosovës.
Pejanët, me sot kanë marrë pikën e pestë në katër xhirot e fundit, derisa ekipi po lufton për secilën pikë për të mbijetuar.
A&N e drejtuar nga Petrit Rushiti, në anën tjetër ka pasur rastet e veta, por s’ka arritur t’i konkretizojë dhe kështu është ndarë me rezultatin që nuk e kërkonte sot, 0-0.
Pas kësaj ndeshjeje, A&N ka regjistruar barazimin e tetë sezonal dhe është e shtata në renditje me 23 pikë, ndërsa Besa e drejtuar nga Florent Papuqi me 16 pikë është e fundit në renditje.
