TICKETS
Anglia nis shitjen e biletave për ndeshje ndaj Kosovës
6 August, 2021 @14:10
Federata e Futbollit të Anglisë (FA) ka bërë të ditur se ka nxjerrë në shitje prej sot biletat për ndeshjen kualifikuese Anglia U21 - Kosova U21.
Ndeshja që do të zhvillohet më 7 shtator 2021 në MKDons, është e vlefshme për kualifikime në evropianin 2023.
Kjo është ndeshja e parë e Anglisë U21 në fazën grupore, derisa Kosova U21 veçse ka luajtur një ndeshje dhe ka fituar ndaj Andorrës duke marrë 3-pikëshin e parë.
Biletat për të rritur janë me çmim prej 16.5 funtave për person.
Pos Anglisë U21 dhe Andorrës U21 në grup, Kosova U21 ka kundërshtarë aty edhe Çekinë U21, Slloveninë U21 si dhe Shqipërinë U21.
