Ardian Ismajli dhuron topa për ish-ekipin

Futbollisti i Shqipërisë që vesh fanellën e Empolit aktualisht në Serie A, Ardian Ismajli, ka dhuruar disa topa cilësor futbolli, për ekipin prej nga u rrit në lojtar.

Klubi i 2 Korrikut ka bërë të ditur përmes një njoftimi në Facebook se Ismajli i ka dërguar si dhuratë topat e fundit, ndërsa e ka falenderuar atë publikisht duke shkruar se i bën të lumtur pasi që s’i harron kurrë ata.

“Faleminderit, Ardian Ismajli! Përveç që po na bën krenarë me çdo paraqitje, si për klubin ashtu edhe për kombëtaren, po ashtu po na bën shumë të lumtur që nuk po na harron aspak. Faleminderit edhe një herë, për topat e dërguar!” — ka shkruar njoftimi i klubit prishtinas, botuar pak më parë.