Armend Dallku në krye të Vushtrrisë

Skuadra e Vushtrrisë para pak çastesh ka zyrtarizuar trajnerin Armend Dallku.

Dallku do të jetë në krye të Vushtrrisë për stinorin 2024/25.

Armend Dallku së fundi ishte trajner i Dukagjinit, ku arriti garat evropiane me skuadrën nga Klina, derisa gjatë karrierës së tij ishte edhe trajner te Prishtina ku fitoi Kupën e Kosovës.

Vushtrria gjithashtu ka bërë të ditur se do të ketë përforcime dhe do të zyrtarizojnë së shpejti.

Vushtrria stinorin e kaluar e përfundoi në pozitën e pestë në Ligën e Parë GRUPI B.