LIRIA
Arrin përforcimi italian i Lirisë
15 July, 2015 @18:06
Përforcimi i parë i huaj i Lirisë, nga tre sa janë paralajmëruar, sot ka arritur në qytetin e Prizrenit.
Është ky futbollisti italian, Mattia Picco, i cili do ta vesh fanellën bardhezi të prizrenasve.
Picco luan në pozitën e qendërmbrojtësit dhe vjen nga skuadra Casteggiobroni, njofton faqja zyrtare e Lirisë.
Ai i është bashkuar skuadrës me ndërmjetësimin e ish futbollistit prizrenas, Rijat Shalës, i cili po kryen detyrën e skautit në klub.
Përveç Piccos, në ditët në vijim Lirisë pritet t’i bashkohen edhe braziliani Ranieri Henrique De Melo dhe uruguajani Giorginho Aguirre Fleitas.
Së bashku me Piccon, sot është prezentuar edhe futbollisti i ardhur nga Vllaznia e Shkodrës, Noris Kozmaj, i cili po kalon fazën testuese te bardhezinjtë. Vetëm dy ditë më parë, Liria i kishte prezentuar futbollistët vendorë si Dylazeka, Gjeraj, Muhaxhiri dhe Zylfallari.
