Arritje e pabesueshme e Derbyt të Lampardit

Zëvendësuesi Jack Marriott ka qenë hero (u fut në minutën e 44 të pjesës së parë në lojë), derisa Derby County ka befasuar Leeds Unitedin në ndeshjen e kthimit të gjysmëfinales së PlayOffit të Championshipit për të arritur finalen.

Një ndeshje e çmendur në Elland Road u zhvillua sonte, derisa Leeds United kishte epërsi nga ndeshja e parë 1-0 të fituar si mysafir.

Dueli i sontëm. Leeds kapi epërsinë 1-0, pastaj Derby u këndell duke shënuar tre herë për 1-3, dhe kur ndeshja parashihej të shkonte në vazhdime pasi që u bë rezultati 2-3 me golin e Stuart Dallasit (në playoff nuk vlen goli si mysafir), ka qenë Jack Marriott që shënoi golin e dytë të tij sonte dhe të katërtin për ekipin duke i siguruar finalen e madhe, 2-4. (rezultati i përgjithshëm 3-4).

Derby County që drejtohet nga Frank Lampard ka arritur kështu finalen e PlayOffit të Championshipit duke e mposhtur Leeds Unitedin e Marcelo Bielsas në gjysmëfinale.

Në finale, ekipi i Lampardit Derby do të ndeshet me Aston Villën, që mbrëmë eliminoi WBA-në në gjysmëfinale.

Finalja e madhe e Championshipit që siguron biletën për Premier Ligë sezonin e ardhshëm do të luhet në Wembley të Londrës më 27 maj me fillim prej orës 16:00.

Me këtë fitore, Derby bëhet ekipi i parë në histori të Championshipit që arrin të kthejë rezultatin në ndeshjen e dytë gjysmëfinale për të siguruar finalen, pasi që ka humbur ndeshjen e parë në shtëpi!