REAL-VALENCIA
Asensio shpëton Realin nga humbja
28 August, 2017 @9:27
Më në funë është ndalur Reali!
Pas fitoreve radhazi në finalet e Superkupave dhe në ndeshjen hapëse të La Ligas, Real Madridi është ndalur në shtëpi nga Valencia, skuadër kjo që historikisht i shkakton probleme e i merr pikë madrilenëve.
Në mungesë të Ronaldos e Ramosit për shkak të suspendimeve, në skenë për Realin ishte super talenti Asensio, i cili shënoi 2 gola shumë të bukur dhe e shpëtoi Realin nga humbja, me mysafirët që ishin në epërsi 1-2. Në fakt gjithçka do të ishte shumë më e thjesht për Realin sikur Benzema mos t’i shpërdoronte mbi 5 raste të qindpërqindta për gol. Francezi nuk ishte në natën e tij më të mirë, ndërsa në kohën shtesë të takimit edhe fati ia ktheu shpinën, kur goditja e tij me kokë u ndal në shtyllë dhe goli i fitores për Realin nuk erdhi.
Ky barazim bën që Reali të mbetet 2 pikë larg Barcelonës përkohësisht, e cila ka 2 fitore në 2 ndeshjet e para të La Ligas.
Real Madrid vs Valencia 2-2 - Highlights… by football_is_life
