Atalanta s’gabon, ngjitet në pozitën e dytë

Atalanta ka shënuar fitore tejet të rëndësishme me rezultatin 2-5 si mysafir ndaj Parmas. Atalanta u fut në ndeshje si favorit absolut jo vetëm për nga kualiteti i lojtarëve, por edhe duke marrë parasysh faktin se Parma tashmë kishte siguruar rënien në Serie B.

Rezultatin e zhbllokoi Malinovsky në minutën e 12’ pas asistit të Ilicicit. Për 0-2 shënoi Pessina në minutën e 52’ ndërsa Muriel me një dy-golësh në minutat 77’ dhe 86’ vulosi fitoren e Atalantas. Parma shënoi dy herë përmes Brunettas dhe Sohmit në minutat 78’ dhe 88’, ndërsa Atalanta mbylli festivalin e golave në minutën e 93’ përmes Miranchukit.

Me këtë fitore, Atalanta ngjitet në vendin e dytë me 2 pikë më shumë se Napoli e 3 pikë më shumë se Juventusi e Milani, të cilët ndeshen sonte ndërmjet vete.

Në Serie A po zhvillohet një luftë e ashpër për një vend që dërgon direkt në Ligën e Kampionëve, me Atalantan, Napolin, Juventusin, Milanin dhe Lazion të cilët duan ti sigurojnë tre vendet e mbetura për garën më prestigjoze në botë.