Në prag të titullit

Prishtina si duket kësaj radhe do t’ia arrijë titullit. Më nuk ka askush para bardhekaltërve që mund t’i pengojë dhe tashmë edhe një pikë mund t’ua garantoj atyre trofeun e shumë-kërkuar dhe pjesëmarrjen e parë të tyre në kualifikime për Ligë të Kampionëve.

Bardhekaltërit sot i falenderojnë portierit Ardit Nika, që mbrojti penalltinë e mysafirëve pas epërsisë 2-1 në të mirë të tyre, rezultat ky që doli të jetë përfundimtar.

Prishtina mposhti Feronikelin e rrezikuar për rënie 2-1 [Leonit Abazi 4, Florian Smakiqi 67ag. — Ardit Nika ag. 22] dhe kështu tash është 5 pikë larg Dritës ndjekëse, 2 xhiro para fundit të stinorit.

TABELA AKTUALE

Loja nisi vrrullshëm dhe vendasit shënuan shpejt me Abazin, por mysafirët e rrezikuar shpejt barazuan, kur portieri Nika nuk pranoi një top si duhet që përfundon në gol! Abazi kishte shënuar pas asistimit të sulmuesit Leotrim Kryeziu.

Me këtë rezultat u mbyll pjesa e parë e ndeshjes ndërsa me fillimin e pjesës së dytë nxënësit e Zekirija Ramadanit u vërsulën përsëri për të kërkuar fitoren - gjë që edhe e arritën kur pas një krosimi të Endrit Krasniqit, portieri i mysafirëve Florian Smakiqi në tentim për të grushtuar topin e dërgon atë në portën e vet dhe Prishtina avancoi me 2-1.

Sidoqoftë, drama nuk mori fund këtu për Feronikelin. Ata fituan penallti në minutën e 78 të ndeshjes. Përgjegjësinë e mori sulmuesi më i dalluar i tyre këtë stinor, Marko Simonovski. Por, Nika e mbrojti atë. Gëzimi i madh te vendasit tashmë nuk kishte vend dhe të koncentruar çuan lojën deri në fund pa gabuar për të fituar - thuajse titullin, jo vetëm këtë ndeshje.

Derisa Prishtinës tash i duhet edhe një fitore për të siguruar titullin, Feronikeli duhet të mendojë mirë për 2 xhirot e fundit pasi që mund të bie direkt nga elita.