Të gjitha lajmet

DITARI RUS (19)

Axhamillëku

Fotot: FIFA/fb

Axhamillëku

Shkruan: LUAN MORINA

11 July, 2018 @12:49

Ideja për të startuar me katër mesfushorë qendror, duke shtyrë dy nga ta në krahë me qëllim që të kapin ndonjë zbritje të Pavard e Lucas të cilët edhe ashtu nuk kanë qenë armët kryesore të Deschamps, është vetëm një pjesë e axhamillëkut të Roberto Martinez.

FranceBelgium russia2018

Trajneri spanjoll assesi nuk arriti të mbulojë mungesën e Thomas Meunier. Kalimi i Chadlit në anën e djathtë të mbrojtjes duke shtyrë De Bruynen në të majtën me mesfushë pesëshe, ishte vetëm një hap tjetër i gabuar i Martinez. Pastaj kemi Dembelen dhe Witselin në mesfushë. Mesfushori i Tottenhamit ishte humbje hapësire, duke qenë më i dobëti në ekip pas Chadlit mbrëmë.

FranceBelgium russia2018

Franca ka filozofi të thjeshtë – sulmojnë me krahë duke shfrytëzuar Giroud si karrem. Mesfusha gjithmonë është e ngarkuar me detyra defensive me relativisht më pak angazhim në sulm. Me vetëm kundër-sulmin si armë, Deschamps nënçmon kualitetin e kësaj France që ka ndoshta ekipin më të mirë në botë! Një gol, dhe mbrojtje me vetëm kundërsulme është qyqarllëk i Deschamps, që kulmon me humbjen e kohës në gjysmë orën e fundit. Franca është më mirë se kaq! Lojtarët janë më të mirë se kaq!

RRUGA DREJT FINALES

Dhe, është mëkat që gjenerata e artë e Belgjikës, udhëhiqet nga një trajner fillestar! Thierry Henry kryen praktikën me këtë ekip!!! Merreni Zidane dhe shohim si do të shkojnë punët!

FranceBelgium russia2018

Belgjika mbrëmë ishte e pa-ide, falë Martinezit. Por, njëjtë si Low, edhe ai do të vazhdojë të jetë në krye të kombëtares. Edhe ai do të çoj në pension këtë super-ekip, me ndoshta asnjë titull të fituar. Së paku Low ka një titull, dhe së paku tre tituj të humbur!

FranceBelgium russia2018

Sonte, kroatët vijnë të lodhur! Së paku supozohet ashtu, ndonëse pushimi duhet t’i ketë këndellur! Janë të rraskapitur me dy ndeshje që i dërguan në vazhdime, dhe paramendojeni sikur të luanin ndeshjen e Islandës me ekipin e parë. E në atë ndeshje, pa pikë nevoje angazhohej Modrici, i cili pos lodhjes fizike ka pasur edhe lodhje psikike në ndeshjet vijuese!

FranceBelgium russia2018

Në anën tjetër anglezët janë të ‘fryrë’ nga fansat me atë që ‘futbolli po kthehet në shtëpi’! Nuk kanë bërë lojë aq dominuese, aq më pak lojë kampioni! Por, edhe kroatët nuk kanë qenë superior në dy ndeshjet e kaluara. As francezët pos me Argjentinën nuk kanë qenë të jashtëzakonshëm. Nuk ka pasur ekip që ka dhënë maksimumin në çdo ndeshje. Dhe pas një sezoni me 50-60 ndeshje nuk mbetet aq shumë për të dhënë në Kupën e Botës!

FranceBelgium russia2018

Sidoqoftë, duhet të jetë një ndeshje e mirë, shpresojmë me më shumë gola, dhe pa vazhdime!

LARGOHET

Ndeshja e fundit e De Rossit me Romën

14 May, 2019 @11:16

Roma ka bërë të ditur sot se legjenda e skuadrës Daniele De Rossi do të largohet nga klubi në fund…

NGRITEN

FIFA zyrtarizon numrin e pjesëmarrësve për Katar 2022

15 March, 2019 @20:46

Në mbledhjen e nëntë të Këshillit të FIFAs sot në Miami të SHBA-së, është zyrtarizuar numri i 48 ekipeve pjesëmarrëse…

CLUB BENEFIT PROGRAM

Sa fituan klubet nga Botërori?

Foto: fifa.com

4 December, 2018 @15:32

Pas përfundimit të Kampionatit Botëror ”Rusia 2018” FIFA sot ka bërë të ditur pagesat që do t’i derdhen klubeve…

SUPER MARIO

Pensionohet edhe Mandzukic

Foto: juventus/fb

14 August, 2018 @18:35

Sulmuesi i Juventusit, Mario Mandzukic, pas arritjes rekorde me vendin e tij, Kroacinë, në Kampionatin Botëror “Rusia 2018” ka vendosur…

DITARI I FUNDIT RUS (23)

Botërori dhe vendi ynë

22 July, 2018 @11:02

VAR-i ka qenë shpëtimtar në këtë Kupë Bote. Nuk po flitet për gabimet e gjyqtarëve, as një javë pas përfundimit…

Të gjitha lajmet nga Russia 2018