FRANCA - BELGJIKA
Franca finalistja e parë
10 July, 2018 @21:57
Franca me golin e Samuel Umtitit, arriti ta mposht Belgjikën me rezultat minimal 1-0 dhe u bë finalistja e parë në Kupën e Botës Rusia 2018.
Goli i Francës erdhi në minutën e 51’, pas një krosimi nga këndi nga Antoine Grizmann, i cili me saktësi e goditi Umtiti me kokë për ta mposhtur portierin Thibaut Courtois.
Franca në finale do të përballet me fituesin nga dueli Kroacia - Anglia, derisa Belgjika nga humbësi i këtij dueli do të luaj ndeshjen për vendin e tretë.
Në histori të Francës kjo do të jetë finalja e tretë, derisa e kanë vetëm një titull të fituar në Botërorin 1998.
