MATTEO GUENDOUZI
Foto: arsenal.com
Prezentohet edhe përforcimi tjetër
11 July, 2018 @12:12
Mesfushori i ri francez, që vjen nga skuadra e Ligue 2, Lorient, Matteo Guendouzi, është prezentuar para pak çastesh si lojtar i ri i Arsenalit, ndërsa klubi ka publikuar tashmë zyrtarisht njoftimin për te.
Guendouzi 19 vjeç është nxënës i Akademisë së PSG-së, prej ku kaloi në Lorient në vitin 2014. Ai është reprezentues i rregullt i Francës. Ka qenë pjesë e grupmoshave U18, U19 dhe U20.
“Jemi të lumtur që Matteo na u bashkangjit. Ai është shumë i talentuar, potencial i madh dhe ka përvojë në ekip të parë. Ai do të mësojë dhe do të përmirësohet edhe më me ne, në ekip të parë,” ka thënë Unai Emery, trajner i Arsenalit.
Matteo Guendouzi do të merr fanellën me numër 29 te Arsenali.
