Azemi rikthehet në ekipin e parë

Sulmuesi nga Kosova, Ilir Azemi, është rikthyer përsëri në ekipin e parë të Greuther Furthit.

24 vjeçari sot ka kërkuar golin në 11 minutat e fundit të ndeshjes kundër skuadrës Wurzburger Kickers, në të cilën luan edhe Valdet Rama.

Edhe ky i fundit, sikurse Azemi, u inkuadrua në lojë gjatë pjesës së dytë, por nuk arriti të lë shumë gjurmë deri në përfundimin e takimit, që përfundoi me fitoren 3-0 të skuadrës së tij.

Azemi që nga fillimi i këtij stinori ka luajtur në ligën rajonale të Gjermanisë me ekipin e dytë të Greuther Furthit, me qëllim që t’i kthehet formës së dikurshme, pas mungësesës së gjatë që kishte për shkak të aksidentit në trafik.