DUELI I KATËRT I BALLKANIT - PËR FITORE SONTE!
Fotot: FCBallkani/ fb
Ballkani kërkon fitore në Astana
9 November, 2023 @11:22
Ballkani sonte luan ndeshjen e kthimit ndaj Astanës në kuadër të Grupit C të Ligës së Konferencës, ndërsa ekipi suharekas është akomoduar qe dy ditë në kryeqytetin e Kazakistanit.
Nxënësit e Ilir Dajës kanë kryer mbrëmë edhe stërvitjet e fundit para ndeshjes, ndërsa dueli Astana - Ballkani zhvillohet sonte me fillim prej orës 16:30 në “Astana Arena”.
Trajneri tiranas i kampionit të Kosovës në konferencën e djeshme për shtyp ka thënë se përkundër përvojës që Astana gëzon në gara evropiane, ekipi i tij ka ardhur për maksimum dhe do të kërkojë maksimumin e rezultatit në këtë duel.
Gjendja në Grupin C është interesante, pasi që tashmë secila lojë mund të përcaktojë shumëçka! Çekët e Viktoria Plzen po ecin drejt kalimit tutje pasi që janë me të gjitha fitore në tri ndeshjet e para të grupit, ndërsa lufta për pozitën e dytë që kualifikon tutje, është plotësisht e hapur - ndaj edhe Ballkani kërkon një tjetër histori - sigurimin e pranverës në Evropë.
TABELA E GRUPIT C, pas 3 xhirosh:
1. Viktoria 9p.
2. Dinamo Z. 3p.
3. Ballkani 3p.
4. Astana 3p.
Duelet e sotme:
16:30. Astana-Ballkani,
18:45. Viktoria-Dinamo.
