Ballkani s’gabon, merr vendin e dytë!

Edhe një fitore e thellë për Ballkanin!

Skuadra e drejtuar nga Ismet Munishi sot triumfoi 5-1 (Jetmir Topalli 4’, Blend Baftiu 16’,18’, Ermal Krasniqi 37’, Artur Magani 88’ / Mërgim Pefqeli 10’), ndaj Llapit në Suharekë, për të treguar që në ndeshjet vendimtare të kampionatit do të hyjë në formë të mirë.

TABELA AKTUALE

Me dilemën e fituesit që veç ishte mbyllur pas 45 minutave të para, pjesa e dytë kaloi qetë, me vetëm një gol të shënuar. Ky gol u shënua nga Artur Magani (88’) i Ballkanit për rezultatin final 5-1.

Me dy golat e shënuara sot, Blend Baftiu tashmë ka plot 6 gola në 3 ndeshjet e fundit dhe është golashënuesi më i mirë i Superligës me 17 gola deri më tash.

Lajm i mirë për Ballkanin sot është humbja e Prishtinës nga Gjilani. Kjo për faktin që Ballkani tashmë ngjitet në vendin e dytë, me 2 pikë më shumë se Prishtina.

Ndeshjen e ardhshme Ballkani e luan në udhëtim te Feronikeli, një ndeshje tejet interesante, kurse Llapi e pret në shtëpi Flamurtarin.