Barça është më e mira!

Vetëm në dy javët e fundit, Barcelona pësoi disa goditje të mëdha. Ekipi që nuk njihte kundërshtarë pësoi nga Milani, në ndeshjen e parë të Ligës së Kampionëve, pastaj u eliminua nga Kupa e Mbretit si dhe u mposht në La Liga nga rivali i përbetuar, Real Madrid. 

Mirëpo, ish futbollisti i Real Madridit, Roberto Carlos, në një bisedë me të përditshmen spanjolle As, ka thënë se Barcelona është ende më e mira. 

“Ata janë ende më të mirët. Përkundër mungesës së trajnerit, blaugranat mbeten ekipi më i mirë,” ka thënë ish shuteri i fortë, Roberto Carlos. 

“Nuk mund të përjashtosh një ekip të tillë për shkak të tre humbjeve! Ata mund të rikthehen ndaj Milanit. Problemi i tyre qëndron në faktin se ata janë duke luajtur bashkë një kohë të gjatë dhe kjo shkakton lodhje mendore,” ka analizuar Carlos për Asin gjendjen e ish rivalit në Spanjë. 

Sa i përket ndeshjes së ish ekipit të tij Real Madrid sonte ndaj Manchester Unitedit, Carlos ka thënë se Real Madrid është në rrezik! 

“Ndeshja ndaj Manchester Unitedit do të jetë shumë më e vështirë se ato dy ndaj Barcelonës, mirëpo Los Blancos mund t’ia arrijnë gjithçkaje, përkundër se Manchester është ekip tejet i rrezikshëm,” ka përfunduar treshja e famshme braziliane.