Barça interesohet për ish lojtarin e Juves

Agjenti i Sebastian Giovincos ka pohuar se Barcelona ka shprehur interesim për lojtarin në fjalë si transfer të mundshëm në muajin janar. 

Mediat spanjolle kishin raportuar se Katalonasit janë të interesuar për sulmuesin e katërt në ekip, por pa dhënë emër. 

Spanjollja Marca duke citur agjentin Andrea D’Amico ka bërë të qartë se fjala është për ish lojtarin e Juventusit, Giovinco, që tash luan për ekipin nga MLS, Toronto. 

Giovinco, që do t’i mbush 29 vjet së shpejti mund të luaj në çfarëdo pozite në sulm dhe kjo besohet t’i konvenojë Barcelonës. 

Sulmuesi italian ka shënuar 24 gola në 34 paraqitje për ekipin kanadez.